AMEA-nın Riyaziyyat və Mexanika İnstitutu ilə Rusiyanın akademik İ.Q.Petrovski adına Bryansk Dövlət Universiteti arasında elmi-texniki əməkdaşlığa dair müqavilə imzalanıb.

Müqavilə institutun direktoru, AMEA-nın müxbir üzvü Misir Mərdanov və Bryansk Dövlət Universitetinin rektoru, professor Andrey Antyuxov tərəfindən imzalanıb.

Qeyd edək ki, tərəflər arasında razılıq Riyaziyyat və Mexanika İnstitutunun Cəbr və məntiq şöbəsinin baş elmi işçisi, professor Ramiz Aslanovun Rusiyada beynəlxalq konfransda iştirakı və universitet rəhbərliyi ilə apardığı danışıqlar zamanı əldə olunub.